Peşəkar məqsədlər üçün sosial mediadan düzgün istifadə ilə bağlı diqqətə alınmalı məsləhətlər:
İlk öncə, siz kim olduğunuzu, fəaliyyət istiqamətinizi və ən əsası sosial mediadan hansı məqsədlə istifadə edəcəyinizi müəyyənləşdirməlisiniz. Bunun üçün:
- İlk addım ən uyğun sosial platformanı seçməkdir ki, sizə biznesinizi düzgün qurmaq və inkişaf etdirmək üçün geniş imkanlar təklif edə bilsin - sosial media platformları arasındakı fərqləri, onların özlərinə xas olan əsas xüsusiyyətlərini dəqiqləşdirin;
- Vaxtınızı düzgün dəyərləndirmək məqsədilə, ilk başlarda sizin üçün daha uyğ
un gördüyünüz sosial media platformuna diqqətinizi yönəldin.
Qarşıya qoyduğunuz hədəflərinizi müəyyənləşdirin:
- Brand awareness - sizin media paylaşımlarınızın sizi və fəaliyyətinizi açıq şəkildə təsvir etdiyindən əmin olun;
- Measure awareness - paylaşımlarınızın nə qədər insana çatdığının statistikasını hər zaman diqqətdə saxlayın;
- İzləyicilərinizə ilham verən, onları maarifləndirən və ya əyləndirən, həyatlarına dəyər qatan məzmun yaradın. Sonra nə qədər müsbət rəy aldığınızı izləyərək statistika müəyyənləşdirin;
Sosial platformanızda sizi və biznesinizi ən düzgün şəkildə əks etdirən unikal bir görünüş əldə edin - sizin platformanızı digərlərindən fərqləndirən xüsusiyyətlər nələrdir?
- Platformunuz üçün şablon yaradın, bu sizə vahid, lakin maraqlı bir görünüm yaradacaq ki, siz bununla daha çox insana xitab edə biləcəksiniz
- Hər məzmun tipi üçün fərqli dizayn seçin;
- Mütləq öncədən hazırlanmış hazır şablonlarınız olsun ki, vaxtınıza qənaət edə biləsiniz
Məzmun dizaynınız üçün düzgün rənglər, düzgün yazı stili seçib, idea nə olursa olsun sosial platformun sizin üçün təklif etdiyi yaradıcı vasitələrdən istifadə edin;
Hər bir sosial platform sizin qarşınıza şəklinizin ölçülərindən tutmuş, mətninizin xarakter sərhədlərinə qədər müxtəlif qaydalar qoyur, sosial media mütəxəssisi kimi görünmək istəyirsinizsə, yazılarınızın düzgün ölçüyə və mətninizin düzgün uzunluğuna sahib olduğundan əmin olun. Bu məsələdə sizə kömək ola biləcək bəzi tətbiqetmələr mövcuddur.
Yeni fikirlər yaradın, özünüzü təkrar etməyin! Bunun üçün sizə 3 əsas məsləhət Öyrədin - izləyicilərinizə işinizdə usta olduğunuzu göstərmək, həm də onlara faydalı ola bilmək üçün bildiklərinizi bölüşün;
İlham verici olun - bunun üçün bəzən izləyicilərinizdən fikir almaqdan çəkinməyin; Əyləndirin - paylaşımlarınızı əyləncəli hala gətirin ki, ən sıxıcı ola biləcək işlərinizd belə diqqət çəksin!
Özünüz üçün paylaşım təqvimi hazırlayın:
- Artıq fərqli məzmun növləri üçün fərqli şablonlar hazırlamısınız, elədirmi? İndi isə hər bir məzmun növü üçün həftənin bir gününü təyin edin.
- Xüsusi günləri diqqətdə saxlayın! Bu günlər üçün əvvəlcədən paylaşım hazır eləməyi unutmayın!
Sosial mediadan insanlarla əlaqə üçün istifadə etdiyinizi unutmayın! Sizə gələn rəylərə, sizin barənizdə olan paylaşımlara, sizə ünvanlanan suallara cavab verməyə, ümumiyyətlə izləyicilərinizlə əlaqədə olmağa diqqət və vaxt ayırın.
Müştərilərinizin həm onlayn, həm də oflayn olaraq işinizlə təmas qurmağının mümkün olan bütün müxtəlif yollarını düşünün. Bunların hamısı sizin və işinizin onlarda iz qoyması üçün əla bir şansdır. Yarışmalar, hədiyyələr, kiçik bir təşəkkür kartı bu məsələdə sizə yardımcı ola bilər!
